Қозоғистонда пишлоқ нархи қанча

ASTANА. Кazinform – 2025 йил январь ойида Қозоғистонда пишлоқнинг ўртача нархи 1 кг учун 5210 тенгени ташкил этди, дея хабар беради Миллий статистика бюроси.

Бюро матбуот хизмати хабарига кўра, бу ўтган йилнинг январь ойига нисбатан 3,8 фоизга қиммат. Энг юқори ўртача нарх Қизилўрдада қайд этилган – 5941 тенге/кг. Чимкентда ўртача нарх — 5816 тенге/кг, Ақтауда – 5643 тенге/кг, Таразда – 5642 тенге/кг.

Пишлоқнинг энг арзон ўртача нархи Қонаев шаҳрида – 3492 тенге/кг. Қозоғистоннинг бошқа шаҳарларида эса нарх 4000-5500 тенге орасида ўзгариб туради.

2024 йилнинг 11 ойида Қозоғистон 3,6 минг тонна пишлоқ ва творог экспорт қилди. Асосий импорт қилувчи давлатлар МДҲ давлатлари, жумладан, Россия (2,8 минг тонна), Қирғизистон (313 тонна), Ўзбекистон (225 тонна), Арманистон (106,8 тонна), Тожикистон (45,3 тонна), Туркманистон (8,1 тонна), шунингдек, Бирлашган Араб Амирликлари, Жанубий Корея ва Мўғулистонга маҳсулотлар етказиб берилди.

Эслатиб ўтамиз, аввалроқ Қозоғистонда гўшт ва балиқ консервалари нархи ҳақида ёзган эдик.