Қозоғистонда олтиннинг нархи

ASTANA. Kazinform - Олтиннинг бир грамми тахминан 55 385 тенгени ташкил этади, деб хабар беради Kazinform агентлиги мухбири.Қозоғистон Миллий банки маълумотларига кўра, 26 июнда олтиннинг бир грамми 55 384,95 тенгега баҳоланади.

Ўтган пайшанба, 19 июнда қимматбаҳо металнинг нархи тахминан 56 401 тенгени ташкил қилди.

Аввалроқ Қозоғистонда 2025 йилнинг биринчи чорагида мис, никель, кўмир, олтин ва нодир ер металларининг прогноз ресурсларига эга 38 та истиқболли участка аниқлангани хабар қилинганди.

Эслатиб ўтамиз, Қозоғистон олтин заҳиралари бўйича дунёнинг энг яхши 20 та давлатига кирди. Кейинги 10 йилда мамлакатда олтин рудаси қазиб олиш 2,2 баробар ошди.

Бутунжаҳон олтин кенгаши (World Gold Council) маълумотларига кўра, 2025 йилнинг биринчи чорагида олтинга бўлган умумий талаб ўтган йилнинг шу даврига нисбатан 1 фоизга ошган ва 1206 тоннани ташкил қилган – бу 2016 йилнинг биринчи чорагидаги энг юқори кўрсаткичдир.

Марказий банклар биринчи чоракда 244 тонна олтин сотиб олди, бу ўтган чоракдагидан кам.

Олтин заргарлик буюмларига талаб ҳам рекорд нархлар фонида кескин пасайиб, ҳажмлар 2020 йилдан бери энг паст даражага етди. Қиймат жиҳатидан истеъмолчининг олтин тақинчоқларга бўлган харажатлари ўтган йилнинг шу даврига нисбатан 9 фоизга ошиб, 35 миллиард долларни ташкил этди.

Эслатиб ўтамиз, Қозоғистонда, Миллий статистика бюроси маълумотларига кўра, 2024 йилда олтин маҳсулотлари нархи 8,3 фоизга ошган.