Қозоғистонда minerals.e-qazyna.kz ягона платформаси яратилади

ASTANА. Кazinform - Minerals.e-qazyna.kz ягона платформаси яратилади. Бу ҳақда Ҳукумат йиғилишида ҚР Саноат ва қурилиш вазири Қанат Шарлапаев маълум қилди.

– Ер қаъридан фойдаланиш ва геология соҳаларини автоматлаштириш мақсадида халқаро тажриба асосида minerals.e-qazyna.kz ягона платформасини яратиш ишлари олиб борилмоқда. Рақамли жараён инвесторнинг аризасидан лицензия олишгача бўлган ягона платформада амалга оширилади. Бу йўналишда Финляндия геопорталининг модели асос қилиб олинди, - деди Қанат Шарлапаев.

Бундан ташқари, вазир ўтган ва жорий йилда электрон аукционлардан бюджетга 9 миллиард тенге тушганини таъкидлади.

– Инвесторлар учун истиқболли участкаларни танлашни оптималлаштириш мақсадида интерактив харита ишлаб чиқилиб, 66 мингдан ортиқ геологик ҳисобот тайёрланди, – деди у.