Қозоғистонда маймун чечаги юқтириш ҳолати қайд этилмади - ССВ

ASTANА. Кazinform - Сўнгги пайтларда дунёнинг кўплаб мамлакатларида маймун чечаги касаллиги тарқала бошлади. Шу билан бирга, Қозоғистон Республикаси Соғлиқни сақлаш вазирлиги йўловчилар мамлакат чегарасида мунтазам текширилаётганини таъкидлади.

“Давлат чегараси орқали ўтказиш пунктларида санитария-карантин назорати ўтказилади. Хавфли эпидемияга шубҳа қилинган беморларни масофавий термометрия ёрдамида аниқлаш (олдини олиш) бўйича чора-тадбирлар чегарада давом этади”, — деди ҚР Соғлиқни сақлаш вазирининг биринчи ўринбосари Тимур Султанғазиев.

Унинг сўзларига кўра, маймун чечаги кам учрайдиган юқумли касалликдир. Бу иситма, умумий интоксикация ва экзантема (қизариш) кўриниши билан тавсифланади. Эпидемиянинг инкубация даври 5 кундан 21 кунгача давом этади. Одамларда иситма, заифлик, тошма, қусиш, катталашган лимфа тугунлари ва бош айланиши каби аломатлар бўлади.