Қозоғистонда кимё маҳсулотлари экспорти кўпаймоқда

ASTANA. Kazinform – Қозоғистонда кимё саноатида 1093 та корхона, жумладан, 12 та йирик, 21 та ўрта ва 1060 та кичик корхона фаолият кўрсатмоқда. Бу кичик ишлаб чиқаришнинг устунлигидан, консолидация ва модернизация имкониятларидан далолат беради. Бу ҳақда Ҳукумат маълум қилди.

«2019-2024 йилларда кимё саноатига 1,7 триллион тенге сармоя киритилди, асосан хусусий инвестициялар. 2025 йил бошидан буён соҳага йўналтирилган инвестициялар ҳажми 50,7 миллиард тенгени ташкил этди, шундан 2,6 миллиард тенге давлат инвестициялари ва 48,1 миллиард тенге хусусий инвестициялардир”, — дейилади хабарда.

Бугунги кунда кимё саноатида турли йўналишдаги 240 турдан ортиқ кимё маҳсулотлари ишлаб чиқариляпти, улар орасида агрокимё маҳсулотлари муҳим ўрин тутади.

«Агрокимё тармоғи умумий маҳсулот ҳажмининг 22,5 фоизини таъминлаб, бутун саноат ўсишининг асосий ҳаракатлантирувчи кучи бўлиб хизмат қиляпти. Бу аҳоли сонининг ўсиши ва озиқ-овқат хавфсизлигини таъминлаш, қишлоқ хўжалиги маҳсулотларига глобал талабнинг ортиши, шунингдек, қишлоқ хўжалигини жадал ривожлантириш зарурати билан боғлиқ”, — деб ёзади Ҳукумат.

2024 йилда Қозоғистон 205 турдаги кимё маҳсулотларини экспорт қилди. Қозоғистон кимё маҳсулотларини асосий импорт қилувчи мамлакатлар Хитой, Россия ва Вьетнамдир.