Қозоғистонда чиқиндиларни қайта ишлаш соҳасида 67 та лойиҳа маъқулланди

ASTANА. Кazinform – Қозоғистонда чиқиндиларни қайта ишлаш соҳасида умумий қиймати 316,9 миллиард тенге бўлган 67 лойиҳа маъқулланди. Бу ҳақда ҚР Экология ва табиий ресурслар вазири Ерлан Нисанбаев маълум қилди.

- Давлат раҳбарининг йирик шаҳарларда чиқиндиларни қайта ишлаш иншоотларини қуриш бўйича топшириғини амалга ошириш мақсадида коммунал тўловлар асосида 15 йил муддатга йиллик 3 фоиз ставка ва икки йилгача имтиёзли муддат билан кредитлар беришни назарда тутувчи соддалаштирилган молиялаштириш механизми тасдиқланди. Бугунги кунга қадар вазирлик томонидан ҳокимликлар таклиф этган 316,9 миллиард тенгелик 67 та лойиҳа, жумладан, қайта ишлашга қаратилган 43 та лойиҳа маъқулланди, — деди у.

Вазирнинг сўзларига кўра, 67 та лойиҳадан 47,3 миллиард тенге қийматидаги 9 таси Саноатни ривожлантириш жамғармаси томонидан маъқулланган, улардан 6 таси 4,1 миллиард тенгега молиялаштирилган.

— 3 та лойиҳа бўйича инвесторларни молиялаштириш бўйича шартнома тузилмоқда. Саноатни ривожлантириш жамғармаси томонидан қиймати 39,9 миллиард тенге бўлган 15 та лойиҳа бўйича баҳолаш ишлари якунланмоқда. Қолган 43 та лойиҳа бўйича инвесторлар ҳозирда Саноатни ривожлантириш жамғармаси тавсияларини кўриб чиқмоқда, – дея хулоса қилди вазир.