Қозоғистонда бюджетга энг кўп даромад келтирувчи 5 турдаги солиқлар маълум бўлди

Йил бошидан буён давлат бюджетига 12 триллион тенгедан ортиқ солиқ йиғилди. Давлат даромадлари қўмитасининг Таҳлил, статистика ва рискларни бошқариш департаменти директори Муратбек Мусин Kazinform мухбирининг саволига жавоб берди.

“Йил бошидан буён давлат бюджетимизга солиқ тушумлари 12 триллион 112 миллиард тенгени ташкил қилди. Жумладан, республика бюджетига 8 триллион 100 миллиард тенге, маҳаллий бюджетларга 4 триллион 011 миллиард тенге йўналтирилди. Энди солиқларнинг энг йирик турларига тўхталсак: юридик шахслардан олинадиган даромад солиғи, қўшилган қиймат солиғи (импорт ва маҳаллий товарларга), божхона божи, акцизлар, ер қаъридан фойдаланганлик учун тўловлар”, — деди Муратбек Мусин.

Бундан ташқари, 2025 йилдан банкнинг операциялардан олган фойдаси солиққа тортилади.

Муаллиф: Айдар Оспаналиев