Қозоғистонда бизнес кредитларини кафолатлаш учун иккита фонд яратилади

ASTANA. Kazinform - Жорий йилда Қозоғистонда 1,7 триллион тенгелик 30 минг кичик ва ўрта бизнес лойиҳаси қўллаб-қувватланади, деб хабар беради Kazinform агентлиги мухбири.

“Бизнес кредитларини кафолатлаш, жумладан, бошқа мамлакатларда ҳам самарали амалиёт экани исботланган. Шунинг учун 2 та кафолат фонди яратилади. Улардан бири кичик ва ўрта бизнес учун мўлжалланган. Кичик ва ўрта бизнес учун кредит кафолатлари ва фоиз ставкаларини субсидиялаш ҳажми оширилади. Жорий йилнинг ўзидаёқ 30 мингга яқин кичик ва ўрта бизнес лойиҳалари 1,7 триллион тенге миқдорида қўллаб-қувватланади”, - деди ҚР Бош вазири ўринбосари – Миллий иқтисодиёт вазири Серик Жуманғарин Ҳукумат йиғилишида.

Бундан ташқари, мамлакатда йирик тадбиркорлик субъектларига кредитларни кафолатлаш бўйича янги жамғарма ташкил этилади.

“Йирик тадбиркорлик субъектлари учун кафолат жамғармаси йирик ва стратегик аҳамиятга эга бўлган лойиҳалар учун гаров таъминотининг етарлилиги масаласини ҳал этади, бу эса уларнинг сонининг ошишига хизмат қилади”, - дея қўшимча қилди Серик Жуманғарин.

Эслатиб ўтамиз, аввалроқ Ҳукумат “Байтерек” холдингига иқтисодиётни ривожлантириш учун 1 триллион тенге ажратиши маълум қилган эди.