Қозоғистонда 2030 йилгача 873 та вагон сотиб олинади

ASTANA. Kazinform – 2025 йилда вагонларни харид қилиш ҳажми 226 донага етказилади, деб хабар беради Kazinform агентлиги мухбири.

“2024 йилда 143 та вагон харид қилинди. Охирги 5 йил ичида эскириш 59 фоиздан 42 фоизга камайди. Жорий йилда харидлар ҳажми 226 тага етказилади. Вагонларни харид қилиш асосан маҳаллий вагонсозлик “ЗИКСТО” ва “Stadler” заводларидан амалга оширилмоқда”, – деди ҚР Темир йўл ва сув транспорти қўмитаси раиси Жанибек Тайжанов.

Унинг сўзларига кўра, жорий йил декабрь ойида 51 дона ҳажмда Stadler вагонларининг биринчи партиясининг етказиб берилиши кутилмоқда, улар Астана-Алмати ва Астана-Семей йўналишларида ишга туширилади. 

“Умуман олганда, 2026-2030 йилларда 873 та вагон харид қилинади, бу эса барча вагонларни кондиционер тизими билан таъминлашни ҳисобга олган ҳолда мавжуд автопаркни 90 фоизга янгилаш имконини беради. Шундай қилиб, 2030 йилга бориб вагонларнинг ўртача ёши 10 ёшни ташкил этади”, - дея қўшимча қилди у.