Қозоғистон ва Хорватия ўртасидаги ўзаро савдо ҳажми 280 миллион доллардан ошди

Қозоғистон ва Хорватия ўртасидаги ўзаро товар айирбошлаш ҳажми 280 миллион АҚШ долларидан ошди. Бу ҳақда ҚР Бош вазири ўринбосари – Ташқи ишлар вазири Мурат Нуртилеу маълум қилди, дея хабар беради Kazinform агентлиги мухбири.

“Қозоғистон Марказий Осиёдаги энг йирик иқтисодиёт сифатида иқтисодиётни диверсификация қилиш, инновацияларни қўллаб-қувватлаш ва билимга асосланган ривожланиш моделига ўтиш бўйича кенг қамровли ислоҳотларни амалга оширмоқда. Очиқ эшиклар сиёсати, бой табиий ресурслар ва қулай ишбилармонлик муҳити хорижий инвесторларда катта қизиқиш уйғотмоқда. Бу ёндашув Қозоғистон ва Хорватия ўртасида фаол иқтисодий ҳамкорликка йўл очди. Ўтган йили ўзаро товар айирбошлаш ҳажми 280 миллион АҚШ долларидан ошди, инвестициялар ҳажми эса 9 миллион долларга яқинлашди”, - деди Қозоғистон ТИВ раҳбари икки мамлакат ташқи ишлар вазирликлари раҳбарлари ва ишбилармон доиралари вакиллари иштирокида бўлиб ўтган Қозоғистон-Хорватия бизнес-форумида.

Вазир ушбу ҳамкорликни янада кенгайтириш учун катта имкониятлар мавжудлигини ҳам таъкидлади.