Қозоғистон ва Финляндия президентлари телефон орқали мулоқот қилди

ASTANА. Кazinform – Финляндия томонининг ташаббуси билан Президент Қасим-Жомарт Тоқаев ва Финляндия Республикаси Президенти Александр Стубб телефон орқали мулоқот қилди.

Давлат раҳбарлари икки томонлама ҳамкорликнинг бугунги ҳолати ва ривожланиш истиқболларини муҳокама қилдилар, савдо-иқтисодий ва маданий-гуманитар алоқаларни янада мустаҳкамлашга ҳар икки томоннинг содиқлигини тасдиқладилар.

Финляндия Президенти икки давлат муносабатларига янги суръат бағишлаш мақсадида жорий йилнинг октябрь ойида Қозоғистонга ташриф буюришга тайёрлигини билдирди. Яқин келажакда режалаштирилган олий даражадаги музокаралар мазмунини бойитиш муҳимлигига ҳам эътибор қаратилди. Унинг натижалари Қозоғистон-Финляндия ҳамкорлигининг янги босқичига йўл очади.

Қасим-Жомарт Тоқаев ва Александр Стубб бир қатор долзарб халқаро муаммолар юзасидан ҳам фикр алмашдилар. Томонлар барқарор ривожланишни таъминлаш, глобал тинчлик ва хавфсизликни рағбатлантириш учун кўп томонлама ташкилотлар доирасидаги саъй-ҳаракатларни мувофиқлаштириш муҳимлигини қайд этдилар.

Эслатиб ўтамиз, аввалроқ Давлат раҳбари Озарбайжон Ташқи ишлар вазирини қабул қилгани ҳақида хабар берган эдик.