Қозоғистон ва БАА ҳамкорликка оид ҳужжатлар билан алмашди

ASTANA. Kazinform – Қозоғистон Президенти Қасим-Жомарт Тоқаев ва Абу-Даби Валиаҳд шаҳзодаси Шайх Холид бин Муҳаммад бин Зоид Ол Наҳаён ўртасидаги музокаралар якунлангач, имзоланган икки томонлама ҳужжатлар билан алмашиш маросими бўлиб ўтди, деб хабар беради Ақорда матбуот хизмати.

Қуйидаги ҳужжатлар имзоланди:

1. Қозоғистон Республикаси Транспорт вазирлиги ва Бирлашган Араб Амирликлари Энергетика ва инфратузилма вазирлиги ўртасида автотранспорт соҳасида ҳамкорлик тўғрисида меморандум;
2. Қозоғистон Республикаси Адлия вазирлиги ва БАА Адлия вазирлиги ўртасида ҳамкорлик тўғрисида меморандум;
3. «Самруқ-Қазна» МФЖ» АЖ ва Masdar ўртасида Қозоғистонда қуввати 500 МВтгача бўлган кундуз-тугун электр таъминоти ва 2000 МВтгача бўлган энергияни сақлаш тизимини амалга ошириш бўйича лойиҳаларни ривожлантириш тўғрисида келишув;
4. «Самруқ-Қазна» МФЖ» АЖ ва AIQ ўртасида Қозоғистон нефть-газ соҳасини рақамли трансформация қилиш бўйича стратегик ҳамкорлик тўғрисида келишув;
5. «Самруқ-Қазна» МФЖ» АЖ ва Abu Dhabi Commercial Bank ўртасида ўзаро англашув ва ҳамкорлик тўғрисида меморандум;
6. Қозоғистон Республикаси Рақамли ривожланиш, инновациялар ва аэрокосмик саноат вазирлиги ҳамда Presight ўртасида Қозоғистонда суперкомпьютер кластери яратиш бўйича келишув;
7. «ҚазМунайГаз» Миллий компанияси» АЖ ва Abu Dhabi Ports Group ўртасида савдо флотини кенгайтириш бўйича ҳамкорликни ривожлантиришга оид баённома;
8. «QazaqGaz» Миллий компанияси АЖ ва AIQ ўртасида нефть-газ соҳасини рақамлаштириш бўйича стратегик ҳамкорлик тўғрисида келишув;
9. Туркистон вилояти Ҳокимлиги ва Абу-Даби Тараққиёт жамғармаси ўртасида Туркистон шаҳрида Шайх Муҳаммад бин Зоид Ол Наҳаён номидаги Туғруқхона қурилиши ва молиялаштирилиши бўйича ўзаро англашув меморандуми;
10. Қозоғистон Республикаси Транспорт вазирлиги ва Terminals Astana Airport Limited ўртасида Астана шаҳридаги «Нурсултан Назарбаев» халқаро аэропортини ва унинг атрофи ҳудудини ривожлантиришга инвестиция киритиш тўғрисида келишув.

Бундан ташқари, маросимда Қозоғистон Республикаси Ҳукумати ва БАА Ҳукумати ўртасида шамол электр станцияси лойиҳасини амалга ошириш тўғрисидаги битимни ратификация қилгани эълон қилинди.

Эслатиб ўтамиз, Абу-Даби валиаҳд шаҳзодаси Шайх Холид бин Муҳаммад бин Зоид Ол Наҳаён расмий ташриф билан Астанага келди.

Қасим-Жомарт Тоқаев Абу-Даби Валиаҳд шаҳзодасини Ақордада кутиб олди.

Абу-Даби Валиаҳд шаҳзодаси Қозоғистон билан қайси соҳаларда ҳамкорлик жадаллаштирилишини айтди.

ҚР Президенти Абу-Даби Валиаҳд шаҳзодаси Холид бин Муҳаммад бин Зоид Ол Наҳаён билан музокаралар ўтказди.