Спортни ривожлантириш бошқармаси матбуот хизмати хабарига кўра, ҳал қилувчи баҳслар куни қозоғистонлик спортчилар яна 6 та олтин, 1 та кумуш ва 1 та бронза медалларини қўлга киритишди.
Ғолиб ва совриндорлар:
А гуруҳи:
Адилбек Мусин, 50 м баттерфляй - олтин
Ксения Игнатова, чалқанча сузиш 200 м - олтин
София Сподаренко, 50 м баттерфляй - олтин
Диана Тасжанова, чалқанча сузиш 200 м - кумуш
В гуруҳи:
Егор Попов, чалқанча сузиш 200 м - олтин
София Абубакирова, 50 м баттерфляй - олтин
Максим Сказобцов, 50 м баттерфляй - олтин
Арсен Қожахметов, 200 м брасс усулида - бронза
Даниил Черепанов, 100 м эркин усулда – бронза
Тўрт кун давом этган мусобақа якунига кўра Қозоғистон терма жамоаси 20 олтин, 11 кумуш ва 5 бронза медали билан умумжамоа ҳисобида иккинчи ўринни эгаллади. Умумий ҳисобда эса Япония терма жамоаси етакчилик қилди. Уларнинг ҳисобида 36 та олтин, 20 та кумуш ва 15 та бронза бор.
Таъкидлаш жоизки, Қозоғистон терма жамоаси сузувчилари Осиё чемпионатининг 14, Қозоғистоннинг 3 та рекордини ўрнатишди.
Шу билан сув спортининг сузиш тури бўйича мусобақа якунланди. Энди 1 март куни сувга сакраш бўйича беллашувлар ўз якунига етади. Ҳозирда Қозоғистон спортчиларида сув спортининг ушбу тури бўйича 1 олтин, 3 кумуш ва 1 бронза медали мавжуд.
2-6 март кунлари эса бадиий сузиш бўйича мусобақа ўтказилади, 3-9 март кунлари сув полоси усталари ўзаро энг яхшиларни аниқлайди.