Қозоғистон терма жамоаси Осиё чемпионатида биринчи ўринни эгаллади

ASTANА. Кazinform - Вьетнамда юнон-рум кураши бўйича 23 ёшгача бўлган ўсмирлар ўртасидаги Осиё чемпионатида қозоғистонлик полвонлар умумжамоа ҳисобида ғолибликни қўлга киритди.

Қозоғистонлик курашчилар қитъа чемпионатида жами 8 та медални қўлга киритди. Улардан 4 таси олтин, 3 таси кумуш ва 1 таси бронза медалидир.

Осиё чемпионатида Исхар Курбаев (60 кг), Бағдат Сабаз (67 кг), Ақжан Иқласов (77 кг), Ерасил Мамирбеков (55 кг) чемпион бўлди.

Юсуф Мациев (97 кг), Жоҳар Узаров (130 кг) ва Мақсат Сайлау (87 кг) кумуш медални қўлга киритган бўлса, Диас Қалтай (82 кг) бронза билан кифояланди.

Мусобақа якунларига кўра, жамоа 177 очко жамғариб, Осиёнинг энг яхши жамоасига айланди.

Эслатиб ўтамиз, аввалроқ Қозоғистон ёшлари Осиё чемпионатида 3 та олтин медални қўлга киритгани ҳақида ёзган эдик.