Қозоғистон креатив товар ва хизматлар рейтингида 65-ўринни эгаллади

ASTANA. Kazonform – ҚР Маданият ва ахборот вазири Аида Балаева креатив индустрияни рақамлаштиришга бағишланган Ҳукумат йиғилишида ўтган йили жорий этилган солиқ имтиёзлари соҳага қандай таъсир қилгани ҳақида маълумот берди.

“2024 йил февраль ойидан бошлаб комплекс қўллаб-қувватлаш чора-тадбирлари доирасида креатив тадбиркорлар учун чакана солиқнинг алоҳида солиқ режими жорий этилди. Мазкур тизим ишга туширилгандан сўнг 1 йил ичида креатив индустрия субъектлари сони 15 фоизга, иш билан таъминланганлар сони 15 фоизга ошди. Бундан ташқари, 2024 йилги Global Innovation Index натижаларига кўра, Қозоғистон “Креатив товарлар ва хизматлар” кўрсаткичи бўйича 93-ўриндан 65-ўринга кўтарилди. “Миллий кино ишлаб чиқариш” кўрсаткичи бўйича 60-ўриндан 31-ўринга кўтарилди”, - деди вазир.

Аида Балаева “Астана хаб” резидентлари учун соддалаштирилган солиқ режими IT-индустрияси ва креатив индустрия ўртасида яқинроқ алоқа ўрнатиш учун шароит яратганини таъкидлади.

Эслатиб ўтамиз, ўтган йил кузда Қозоғистон креатив индустрилар бўйича жаҳон рейтингида 28 поғонага кўтарилган эди.