Қозоғистон Грузияга сайёҳлари энг кўп ташриф буюрадиган 10 та давлат қаторига киради

ASTANА. Кazinform — Жорий йилнинг биринчи чорагида 21 625 нафар қозоғистонлик Грузияга сайёҳ сифатида ташриф буюрди.

Қозоғистон халқаро саёҳатчилар сони бўйича 9-ўринда туради. Бироқ, бу бир йил аввалги кўрсаткичдан 22,4 фоизга кам. Бу маълумот Грузия миллий туризм маъмурияти томонидан тақдим этилган.

Рўйхатда Туркия етакчилик қилмоқда — 225 265 киши (11,5 фоизга ўсиш). Кейинги ўринда Грузияга 219 264 сайёҳи борган (1,8 фоизга ўсиш) Россия жойлашган. Кучли учликни Арманистон якунлаб турибди. Жорий йилнинг дастлабки уч ойида Грузияга ушбу мамлакатдан 180 805 нафар саёҳатчи ташриф буюрди. Бироқ, бу ўтган йилга нисбатан 5,7 фоизга кам.

Бу даврда Грузия Исроил, Озарбайжон, Эрон, Ҳиндистон, Украина ва Белорусдан борган сайёҳлар орасида машҳур жой эди. Бу йўналишда энг интенсив туристлар оқимини Исроил кўрсатмоқда – 72,9 фоизга (80 896 нафар ташриф буюрувчи) ўсиш.

Шунингдек, визасиз режим жорий этилиши натижасида Хитойдан (40,1 фоизга ўсиш, 13 875 нафар саёҳатчи), янги рейслар туфайли эса Ҳиндистон (+27,7 фоиз) ва Иорданиядан (+44,7 фоиз) саёҳатчилар сони ҳам ошган.

Биринчи чоракда Грузияга Европа Иттифоқи давлатларидан 73 886 киши келди, бу ўтган йилга нисбатан 4 фоизга кам. Бу пасайиш Европа Иттифоқининг 27 давлатидан 15 тасида кузатилмоқда.

Шу билан бирга, Польша (10,1 минг сайёҳ, - 3,4 фоиз), Литва (3,4 минг сайёҳ, -29,2 фоиз), Латвия (3,3 минг сайёҳ, -14,9 фоиз) ва Эстониядан (1,3 минг сайёҳ, -17,8 фоиз) туристлар оқими сезиларли даражада камайди.

Германия Европа Иттифоқи мамлакатлари орасида сайёҳлар сони бўйича етакчи бўлиб қолмоқда – 10,2 минг киши. Аммо бу мамлакатдан Грузияга бораётган сайёҳлар сони ҳам камаймоқда (-7,2%).

Маъмурият маълумотларига кўра, январь-март ойларида Грузияга жами 958 947 нафар хорижий сайёҳ ташриф буюрган. Бу ўтган йилнинг шу даврига нисбатан 2,2 фоизга кўпдир.

Агар туристик бўлмаган саёҳатларни ҳисобга оладиган бўлсак, бу кўрсаткич 1,3 миллион кишига ошади. Бу ўтган йилга нисбатан 1,1 фоизга кўпдир.

Эслатиб ўтамиз, ОТБ Грузиядаги иншоот қурилишини молиялаштиради.