Қозоғистон ғалласи Шимолий Африка ва Жанубий Осиё мамлакатларига экспорт қилинади

ASTANA. Kazinform – 2024 йилги янги ҳосилнинг 5,5 миллион тоннаси экспорт қилинди. Бу ҳақда Қозоғистон Республикаси Қишлоқ хўжалиги вазири ўринбосари Ермек Кенжеханули маълум қилди.

“2024 йил якунлари бўйича экспортга 8,1 миллион тонна жўнатилди. Ўтган куздаги ҳосилга эътибор қаратадиган бўлсак, сентябрь ойидан ҳозиргача 5,5 миллион тонна ғалла экспорт қилинди”, – деди Е.Кенжеханули Сенатда журналистлар саволларига жавобан.

Унинг сўзларига кўра, Қозоғистон ғалласи анъанавий бозорларга экспорт қилинмоқда.

“Барча мамлакатларда ижобий ўсиш кузатилмоқда. Бундан ташқари, дон экспорти учун янги бозорлар қидирилмоқда. Айни пайтда Шимолий Африка ва Жанубий Осиё мамлакатларига экспорт қилиш имкониятлари ўрганилди”, – деди вазир ўринбосари.

Унга кўра, ҳозирда ғалла экспорти учун зарур бўлган юк вагонлари етарли даражада таъминланган.