Қозоғистон бу йил 6 миллион тонна ғалла экспорт қилади
15:09, 29 Ноябрь 2023
ҚР Қишлоқ хўжалиги вазири ўринбосари Азат Султанов ғалла экспорти ҳақида маълум қилди, деб хабар беради Кazinform.
Бугун Сенат қўмитасининг кенгайтирилган йиғилишидан сўнг журналистлар вазир ўринбосаридан бу йил ҳосил қилинган ғалланинг қайси қисми экспорт қилинишини сўради.
“Бу йил 15,5 миллион тонна ғалла йиғиш мумкинлигини айтдик. Ҳозирда, ҳокимлик маълумотларига кўра, 16,5 миллион тонна омборда. Шундай экан, бу миқдордаги донни ҳисобга олсак, 6 миллион тоннага яқин маҳсулотни экспорт қилиш мумкин бўлади”, – деди Азат Султанов.