Қозоғистон авиакомпаниялари ўтган йили юк ташишдан қанча даромад олди

ASTANA. Kazinform – Ўтган йили Қозоғистон авиакомпанияси томонидан ташилган юк ҳажми 17 фоизга ошди. Бу ҳақда Kazinform агентлигининг расмий сўровига ҚР Транспорт вазирлигининг жавобида айтилган.

“Қозоғистон авиакомпаниялари томонидан ташиладиган юклар ҳажми ошгани кузатилмоқда. Қозоғистон Республикаси Миллий статистика бюросининг расмий маълумотларига кўра, 2024 йилда ҳаво транспортида ташилган юклар ҳажми 27,9 минг тоннани ташкил этди, бу 2023 йилнинг шу даврига нисбатан 17 фоизга (23,8 минг тонна) кўп ва юк ташишдан олинган даромад эса 15 501,7 миллион тенгега етди, бу ҳам 2023 йилнинг шу даврига нисбатан 17 фоизга кўп (13 219,6 миллион тенге), – дейилади хабарда.

ҚР Транспорт вазирлиги Қазаэронавигация Қозоғистон осмонидан қанча даромад олишини маълум қилди.

“Охирги 10 йилда “Қазаэронавигация” РДК давлат бюджетига 67 миллиард 494 миллион 940 минг тенге маблағ ўтказди. Охирги 5 йилда эса 39 миллиард 686 миллион 86 минг тенге ўтказилган. Эслатиб ўтамиз, 2023 йилда “Қазаэронавигация” РДК давлат бюджетига 38 миллиард 636 миллион 459 минг тенге ўтказган. Охирги 10 йилда “Қазаэронавигация” РМКнинг Қозоғистон Республикаси ҳаво ҳудудида ҳаво қатновига аэронавигация хизматлари кўрсатишдан тушган даромади 870 миллиард 127 миллион 389 минг тенгени ташкил этади”, – дейилади вазирлик жавобида.