Қозоғистон аскарлари КХШТ Коллектив тинчликпарвар кучлари билан қўшма ўқув машғулотларида қатнашади

Қозоғистон ҳарбий хизматчилари КХШТ Коллектив тинчликпарвар кучлари билан “Бузилмас биродарлик-2023” қўшма машғулотларида иштирок этади, деб хабар беради Kazinform ҚР Мудофаа вазирлиги расмий сайтига таяниб.

Матбуот хизмати хабарига кўра, 2023 йил 6-13 октябрь кунлари КХШТ Коллектив хавфсизлик тизими кучлари ва воситалари бошқарув органлари ва қўшинларини биргаликда тайёрлаш режасига мувофиқ Қирғизистон Қуролли Кучлари ўқув маркази (Балиқчи шаҳри) “Бузилмас биродарлик-2023” Коллектив тинчликпарвар кучлари билан қўшма машғулотлар ўтказиш режалаштирилган.

Унда Беларусь, Қозоғистон, Қирғизистон, Россия ва Тожикистон ҳарбий контингентлари иштирок этади. Машғулотларнинг асосий вазифаси тинчликпарварлик амалиётини ўтказишда КХШТ Коллектив тинчликпарвар кучлари ҳарбий контингентларининг мувофиқлаштириш даражасини оширишдан иборат.

Қозоғистон Республикаси Қуролли Кучларидан Десантлик-ҳужум қўшинларининг шахсий таркиби жалб қилинади. Машғулотлар доирасида қозоғистонлик ҳарбий хизматчилар Алматидан Балиқчи йўналиши бўйича автомашина ва зирҳли техникада ҳаракатланади.