Қозоғистон аҳолиси йил бошидан буён қанчага ошди

ASTANA. Kazinform — 2024 йил бошидан буён Қозоғистон аҳолиси 210 139 кишига кўпайди, дея хабар беради Миллий статистика бюроси матбуот хизмати.

“Ўсишнинг асосий қисми табиий ўсиш ҳисобига тўғри келди — 198 443 киши, миграция ҳисобига эса аҳоли сони 11 693 кишига кўпайди”, — дейилади хабарда.

Табиий ўсишнинг энг юқори кўрсаткичлари Туркистон вилояти (36 628 киши), Чимкент (20 348 киши) ва Астана (19 258 киши) шаҳарларида қайд этилган.

2024 йилнинг 10 ойида Қозоғистонда 309 310 нафар бола дунёга келди. Туғилишнинг энг юқори кўрсаткичи Туркистон (1000 кишига 25,14), Манғистау (24,64) вилоятларида ва Чимкентда (23,78) кузатилди.

Бу даврда Қозоғистонда 110 867 киши вафот этган, бу ўтган йилга нисбатан 3,3 фоизга кам (2023 йил январь-октябрда 107 289 киши). Ўлим даражаси юқори бўлган ҳудудлар Шимолий Қозоғистон (1000 кишига 11,52), Шарқий Қозоғистон (11,32) ва Қостанай вилоятлари (10,17) бўлиб, бу вилоятлар аҳолисининг ёш таркиби билан боғлиқ.

Эслатиб ўтамиз, 2024 йил 1 ноябрь ҳолатига кўра Қозоғистон аҳолиси 20 243 981 кишини ташкил қилади.