“Қози кўрпеш-Баян сулу” спектакли халқаро танловда бош мукофотга сазовор бўлди

Қалибек Қуанишбаев номидаги Давлат академик қозоқ мусиқали драма театри Қирғизистон Республикасининг Бишкек шаҳрида ўтказилган “АРТ ОРДО – 2023” халқаро театр фестивалида Ғ.Мусиреповнинг “Қози Кўрпеш-Баян сулу” мусиқали драмаси билан иштирок этди, деб хабар беради Kazinform ХАА.

Бу йилги фестивал СССР халқ артисти, қирғиз халқининг атоқли театр ва кино актрисаси Бакен Қидикееванинг 100 йиллигига бағишланди.

Фестивалда 6 та хорижий ва 8 та Қирғизистон театри ўз омадини синаб кўрди. “АРТ ОРДО – 2023” халқаро театр фестивалига турли мамлакатлардан театр ижодкорлари, театр тадқиқотчилари таклиф этилди.

Халқаро ҳакамлар ҳайъатига Қозоғистон Республикаси халқ артисти, Қозоғистон Республикаси Давлат мукофоти лауреати, Астана ёшлар театри бадиий раҳбари, профессор Нурқанат Жақипбай раҳбарлик қилди. Бундан ташқари, ҳакамлар ҳайъатидан Ўзбекистон Республикаси халқ артисти, Ўзбекистон Республикаси Миллий академик драма театри актрисаси Гауҳар Зокирова (Ўзбекистон), Қирғизистон Республикаси халқ артисти, Қозоғистон Республикасида хизмат кўрсатган артист, актриса Гулсара Ажибекова (Қирғизистон), Озарбайжон Республикаси халқ артисти, Озарбайжон Республикасида хизмат кўрсатган артист, маданият арбоби, театр ва кино актёри, режиссёр, профессор Новрузов Жаҳонгир Муталлиб ўғли (Озарбайжон), Қирғизистон Театр артистлари уюшмаси президенти, санъат фанлари номзоди Жаниш Қулмамбетов (Қирғизистон), театршунос, санъат фанлари номзоди, доцент Айсули Сағитова (Башкуртистон, Россия), театр танқидчи ва режиссёр Исмоил Дикилиташ (Туркия) бўлди.

 

 

Халқаро ҳакамлар ҳайъати энг яхши ижро – бош мукофот, энг яхши режиссёр, энг яхши сценарий, энг яхши эркак роли, энг яхши аёл роли, ёрдамчи эркак роли, ёрдамчи аёл роли, танқидчилар ҳамдардлиги номинациялари бўйича ғолибларни аниқлади.

 

 

Қирғизистонлик томошабинлар Қалибек Қуанишбаев номидаги Давлат академик қозоқ мусиқали драма театри спектаклини катта қизиқиш билан қарши олди. Саҳнада актёрлардан ташқари оркестр ҳам чиқиш қилди. Бу драматик асарнинг таъсирини оширди. Халқ чолғулари оркестри барча мусиқа қисмларини жўшқин тарзда ижро этиб, спектаклга ўзгача тус берди. Саҳнада замонавий мусиқа билан қадимий бир воқеа содир бўлди. Ҳатто Майкл Жексоннинг қўшиқлари ҳам ижро этилди. Шундай қилиб, ёзувчи Қози Кўрпеш ва Баян Сулу муҳаббат қиссасини замонавий услубда баён эта олгани учун ҳакамлар ҳайъати қарори билан “БАЯН СУЛУ – ҚОЗИ КЎРПЕШ” спектакли ГРАН-ПРИ мукофотига сазовор бўлди. Қалибек Куанишбоев номидаги Давлат академик қозоқ мусиқали драма театри жамоаси “ТУРКСОЙ” турк маданияти халқаро ташкилотининг махсус мукофоти билан тақдирланди.