Клублар ўртасидаги ЖЧ: "Ювентус" иккинчи йирик ғалабани қўлга киритди

ASTANА. Kazinform — Клублар ўртасидаги жаҳон чемпионатида Италиянинг “Ювентус” жамоаси иккинчи марта йирик ғалабага эришди.

Айни вақтда G гуруҳидан жой олган Италия клуби иккинчи турда Марокашнинг “Видад” клубига қарши майдонга тушди. Улар ўйин назоратини ўзларида сақлаб қолишга ҳаракат қилишди. Натижада Марокаш клубидан Абделмунаим Бутуй 6-дақиқада автогол муаллифига айланди.

16-дақиқада италиялик Кенан Йилдиз ҳисобни тенглаштирган бўлса, 25-дақиқада “Видад”дан Тембинкоси Лорч гол билан жавоб қайтарди.

Ўйиннинг 69-дақиқасида Кенан Йилдиз яна бир бор ажралиб турган бўлса, 94-дақиқада Душан Влахович якуний ҳисобни ўрнатди.

Шу тариқа, “Ювентус” рақибини 4:1 ҳисобида мағлуб этиб, иккинчи бор йирик ҳисобда ғалаба қозонди. Бунгача улар “Ал-Айн”ни 5:0 ҳисобида мағлуб этишганди.

Ушбу гуруҳдан жой олган “Манчестер Сити” (Англия) – “Ал Айн” (Бирлашган Араб Амирликлари) ўртасидаги учрашув 23 июнь куни соат 06:00га белгиланган.

Жаҳон чемпионатининг мукофот жамғармаси 1 миллиард АҚШ долларини ташкил қилади. Турнирда ғолиб чиққан жамоа 125 млн доллар олади. Қолган маблағлар 31 иштирокчи клуб ўртасида уларнинг жойлашувига қараб тақсимланади.

Чемпионатда 32 та жамоа кураш олиб боради. Жамоалар 8 та гуруҳга бўлинган. Ҳар бир гуруҳда 4 тадан клуб иштирок этади, улардан иккитаси плей-оффга чиқади.

Эслатиб ўтамиз, аввалроқ Клублар ўртасидаги ЖЧ да "Манчестер Сити" дастлабки ўйинда ғалаба қозонгани ҳақида хабар берган эдик.