Клублар ўртасидаги ЖЧ: "Реал Мадрид" чорак финалга чиқди

ASTANА. Kazinform — Клублар ўртасидаги жаҳон чемпионатининг чорак финалига йўлланма олган барча жамоалар номи маълум бўлди.

1/8 финалнинг сўнгги икки ўйинидан бирида Испаниянинг “Реал Мадрид” клуби Италиянинг “Ювентус” клубига қарши майдонга тушди. Учрашув давомида жамоалар ўзаро кураш олиб боришди. Бироқ учрашувда фақат битта гол киритилди. Гонсало Торрес 54-дақиқада гол урди.

Шу тариқа, “Реал Мадрид” жамоаси рақиби устидан 1:0 ҳисобида ғалаба қозонди ва чорак финалга йўлланма oлди.Яна бир ўйинда Германиянинг “Боруссия Дортмунд” клуби Мексиканинг “Монтеррей” жамоаси билан куч синашди.

Германия клуби биринчи бўлимда фаол ҳаракат кўрсатди. Улар орасида Серу Гирассининг маҳорати яққол намоён бўлди. У 14 ва 24-дақиқаларда ўз тўпурарлигини кўрсатди. “Монтеррей” футболчиси Херман Бертераме 48-дақиқада гол билан жавоб қайтарди.

Рақибини 2:1 ҳисобида мағлуб этган “Боруссия Дортмунд” клуби мусобақанинг кейинги босқичига йўлланма олди.

Натижада чорак финалга йўл олган барча жамоалар аниқланди. Чорак финал ўйинлари 4 ва 5 июль кунлари бўлиб ўтади. Дастлаб, 4 июль куни "Флуминенсе" (Бразилия) ва "Ал-Ҳилол" (Саудия Арабистони), "Палмейрас" (Бразилия) ва "Челси" (Англия), 5 июль куни эса "ПСЖ" (Франция) ва "Бавария" (Германия), "Реал Мадрид" (Испания) ва "Боруссия Дортмунд" (Германия) клублари ўйнайди.

Ярим финал ўйинлари 8 ва 9 июль кунларига, финал эса 13 июлга белгиланган.

Эслатиб ўтамиз, аввалроқ клублар ўртасидаги жаҳон чемпионатида "Ал-Ҳилол" "Манчестер Сити"ни мағлуб этиб, чорак финалга чиққани ҳақида хабар берган эдик.