Қизларимиз Осиё мамлакатлари орасида тенгсиз эканини исботлади – Елдос Сайдалин

ASTANА. Кazinform - Таиланднинг Чиангмай шаҳрида бокс бўйича ўтказилган Осиё чемпионатида қозоғистонлик қизлар умумжамоа ҳисобида пешқадам бўлиб, қитъада тенгсиз эканини исботлади. Бу ҳақда Kazinform мухбирига эксклюзив интервью берган терма жамоа бош мураббийи Елдос Сайдалин айтиб ўтди.

“Осиё ўйинларини жуда муваффақиятли ўтказдик. Қозоқ қизлари 5 та бронза ва 5 та олтин медални қўлга киритиб, Осиё мамлакатлари орасида тенгсиз эканини исботлади. Бу терма жамоамизнинг ғалабаси ҳамжиҳатлик, бирдамлик, меҳнатсеварлик эвазига, деб айта оламан. Осиё чемпионатига жуда юқори савияда тайёргарлик кўрдик. Ҳар бир боксчимизнинг шахсий мураббийлари ўз шогирдлари учун қўлларидан келганча ҳаракат қилишди. Ҳар бир жангда тактикадан фойдаландик. Натижада шундай натижага эришдик”, - деди бош мураббий Елдос Жанибекули.

Қолаверса, бош мураббий ушбу мусобақа жорий йилнинг сўнгги асосий мусобақаси бўлгани учун бор этиборини йилни муваффақиятли якунлашга қаратганини яширмади.

“Хабарингиз бор, ушбу Осиё чемпионати боксчиларимиз учун жорий йилнинг сўнгги йирик мусобақаси бўлди. Уни шараф билан якунлаш асосий мақсадимиз эди. Менимча, биз бунга эришдик. Албатта, бу ғалабалар боксчи қизларимизга осонлик билан келмади. Биринчи марта йирик мусобақа бош кийимсиз ўтказилмоқда. Қиз болага шлемсиз жанг қилиш осон эмаслигини яхши биласиз. Аммо, интизома бўйсуниб, талабларга мувофиқ курашиб, биз энг яхши кўрсаткичларга эришмоқдамиз. Умуман олганда, Осиё чемпионатида тўққиз мамлакат қизлари совринли ўринларни қўлга киритди. Қизларимиз 5 та олтин ва 5 та бронза медали билан ўз кучлилигини исботладилар”, — деди бош мураббий.

Эслатиб ўтамиз, бунгача Қозоғистон аёллар терма жамоаси бокс бўйича Осиё чемпионатида 5 та олтин медални қўлга киритиб, 1-ўринни эгаллагани ҳақида ёзган эдик.