Қирғизистонда электр энергияси нархи ошади

BISHKEK. Kazinform –  1 майдан бошлаб мамлакатда электр энергияси тарифлари оширилади, деб хабар беради Kazinform агентлиги мухбири.

Қирғизистон Республикаси Энергетика вазирлиги маълумотларига кўра, сўнгги 10 йил ичида электр энергияси истеъмоли 3,6 миллиард киловатт-соатга ошган, ускуналар катта юк остида ишламоқда. 2024 йилда энергетика тармоғидаги тақчиллик 8,1 миллиард сомни ташкил қилди. Электр энергиясига жорий тарифлар Марказий Осиёдаги энг паст тарифлар қаторида қолмоқда ва энергия ишлаб чиқариш ва етказиб бериш учун барча харажатларни қопламайди. Энергетика соҳасида юзага келган тақчиллик нархларнинг ошиши ҳисобига қопланади.

Ўзгартиришларга кўра, истеъмолчилар тоифалари сони 14 тадан 7 тага қисқартирилади:

• 700 кВт/соатгача истеъмол қилганда “аҳоли” тоифаси, шу жумладан баланд тоғли ва бориш қийин бўлган ҳудудларда яшовчилар учун электр энергияси тарифи 1,11 сомдан 1,37 сом/кВт/соатга (6,47 тенгедан 7,98 тенгега) оширилади. 700 кВт/соатдан ортиқ истеъмол учун - 2,39 дан 2,60 сом/кВт/соатга (13,93 тенгедан 15,15 тенгега) ошади;
• “ижтимоий ва жамоат истеъмолчилари” тоифаси учун тариф 2,62 сом/кВт/соатни (15,27 тенге) ташкил этади;
• “саноат истеъмолчилари” – 3,34 сом (19,47 тенге);
• “тижорат истеъмолчилари” – 3,96 сом (23,08 тенге);
• бюджет истеъмолчилари - 4,09 сом (23,84 тенге);
• “энергияни кўп истеъмол қилувчи саноат истеъмолчилари” – 6,06 сом (35,32 тенге);
• “электр транспорт воситаларини қувватлантириш шохобчалари” – 5,31 сом (30,95 тенге).

Аввалроқ Қирғизистон 2030 йилгача ҳар йили электр энергияси нархини 20 фоизга оширишни таклиф қилаётгани хабар қилинган эди.