Қирғизистон ҳудудида 4 магнитудали зилзила содир бўлди

5 январь куни Алмати вақти билан соат 00:51 да зилзила содир бўлди, дея хабар беради Kazinform.

Бу ҳолат сейсмик станциялар тармоғи томонидан қайд этилган.

Зилзила эпицентри Алмати шаҳридан 404 километр жануби-ғарбда, Қирғизистон ҳудудида жойлашган.

Зилзиланинг энергия класси — 9,2 балл. МPV магнитудаси- 4,1. Чуқурлиги 10 километр.

“МSК-64 шкаласи бўйича Қозоғистон ҳудудида сезилмади”, - деб хабар беради сейсмик станциялар тармоғи.