Кейинги уч кун ичида қор ёғади, 13 даражагача совийди

ASTANA. Kazinform – “Қазгидромет” синоптиклари 11-13 апрель кунлари учун уч кунлик об-ҳаво маълумотларини эълон қилди.

Республика ҳудудининг катта қисми атмосфера фронтлари таъсирида бўлади.

Шу сабабли кечаси ёғингарчилик (ёмғир, қор), кундузи ёмғир ёғади.

11-12 апрель кунлари мамлакат шарқи ва жануби-шарқида кучли ёғингарчилик кутилмоқда.

Кечаси ва эрталаб республика бўйлаб туман тушади.

Кундузи ғарбий ва жанубий вилоятларда момақалдироқ бўлиши мумкин, марказ, шарқ ва жануби-шарқда кучли шамол эсади.

Мамлакатнинг аксарият ҳудудларида ҳарорат фонида сезиларли ўзгаришлар кузатилмайди.

Фақат шимолий ва шарқий ҳудудларда 12-13 апрель кунлари ҳаво ҳарорати кечаси 1-13 даража совуқ бўлиши мумкин.