Қасим-Жомарт Тоқаев YTO Express Co., Ltd бошқаруви раиси Йу Хуэй Дзяони қабул қилди

Суҳбат чоғида электрон тижорат, транспорт ва логистика соҳаларида ўзаро манфаатли ҳамкорлик истиқболлари муҳокама қилинди, деб хабар беради Каzinform агентлиги Ақорда матбуот хизматига таяниб.

Қасим-Жомарт Тоқаев мамлакатда Alibaba, Wildberries, OZON ва JDcom каби йирик бозорлар фаолият юритаётганини таъкидлади. 2030 йилга бориб Қозоғистон электрон савдо улушини умумий савдо бозорининг 20 фоизигача оширишни режалаштирмоқда.

Суҳбат чоғида Президентга Хитойни тез етказиб беришга ихтисослашган йирик логистика операторларидан бири бозоримизга келаётгани ва Қозоғистонда ўзининг Марказий Осиёдаги штаб-квартирасини очиш ниятида экани маълум қилинди. Ушбу шартнома “Қазпошта” акциядорлик жамияти ва YTO Express Group ўртасида ҳамкорлик шартномасини имзолаш доирасида тасдиқланган.

“Хитойнинг “Бир макон, бир йўл” ташаббуси доирасида компаниянгиз билан ўзаро манфаатли ҳамкорликни йўлга қўйиш учун ажойиб имкониятга эгамиз. Бугунги кунда электрон тижорат иқтисодиётнинг энг тез ривожланаётган тармоқларидан бири ҳисобланади. Жаҳон ялпи ички маҳсулотининг қарийб 7 триллион долларини шу саноат ташкил этади. Қозоғистон электрон тижоратни ривожлантиришга катта аҳамият беради”, – деди Қасим-Жомарт Тоқаев.

Йу Хуэй Дзяо ҚР Президентига компаниянинг Қозоғистондаги асосий лойиҳаси ҳақида сўзлаб берди. Хусусан, корхона томонидан мамлакатнинг қатор ҳудудларида “А” тоифасига кирувчи юқори технологияли мультимодаль марказлар қуриш режалаштирилган. Бундай инфратузилма маҳсулотларни тезкор қайта ишлаш ва уларни Европа Иттифоқи, Евроосиё иқтисодий иттифоқи ва Марказий Осиё мамлакатларига экспорт қилиш учун мақбул шароитларни яратади. Интеллектуал IT-ечимларнинг татбиқ этилиши эса логистика жараёнини тўлиқ автоматлаштириш имконини беради ва электрон тижорат товарларининг божхона орқали тез ўтишини таъминлайди.