Қасим-Жомарт Тоқаев Qazaqstan Barysy Grand Slam турнирини томоша қилди
19:15, 10 Май 2025
ASTANА. Кazinform — Президент дзюдо бўйича Qazaqstan Barysy Grand Slam халқаро рейтинг турнирига ташриф буюрди. Бу ҳақда Ақорда матбуот хизмати хабар берди.
Турнирда Давлат раҳбари билан бирга Халқаро дзюдо федерацияси (IJF) президенти Мариус Визер ва Олимпия ўйинлари чемпиони Елдос Сметов томоша қилди.
Бу йил ушбу мусобақада дунёнинг 46 давлатидан 358 нафар энг сара спортчи иштирок этмоқда.
Қозоғистонлик дзюдочилардан Ғусман Қирғизбаев (-66 кг) ва Талғат Оринбасар (-60 кг) кумуш, Мағжан Шамшадин (-60 кг), Аман Бақитжан (-60 кг), Есет Қуанов (-73 кг) ва Абилайхан Жубаназар (-81 кг) бронза медални қўлга киритди.
Эслатиб ўтамиз, Grand Slam туркумига кирувчи жаҳон серияси мусобақалари Астана шаҳрида учинчи марта ўтказилмоқда.