Қасим-Жомарт Тоқаев Болгария Президентини Ақордада кутиб олди

ASTANA. Kazinform – ҚР Президенти Қасим-Жомарт Тоқаев Қозоғистонга расмий ташриф билан келган Болгария Президенти Румен Радевни Ақордада кутиб олди.

Дастлаб Қасим-Жомарт Тоқаев ва Румен Радев расмий делегация аъзоларини бир-бирларини таништирдилар. Президент оркестри икки давлат Мадҳияларини ижро этди.

Фото: Akorda

Қасим-Жомарт Тоқаев ва Румен Радев мадҳияларни тинглаб бўлгач, гилам бўйлаб Қозоғистон Республикаси Давлат байроғи томон юришди.

Фото: Болгария

Унинг олдига етиб келганларида, меҳмон тўхтаб, бошини сал эгиб, ҳурматини изҳор қилди. Сўнг меҳмон ва Президент фахрий қоровул сафидан ўтди. Фахрий қоровул бошлиғи билан хайрлашдилар.

Фото: Ақорда

Олий даражадаги музокаралар чоғида Қозоғистон-Болгария савдо-иқтисодий ва сармоявий ҳамкорлик истиқболлари муҳокама қилинади.

Фото: Акорда

Аввалроқ Kazinform мухбири икки давлатни нима боғлаши ва келажакдаги келишув қайси соҳаларни қамраб олиши мумкинлигини таҳлил қилган эди.