Бунга қадар Россия оммавий ахборот воситалари концерт ташкилотчиларига нисбатан фирибгарлик аломатлари бўйича текширув олиб борилаётганини хабар қилган эди.
Санкт-Петербургда концерт бўлиши ҳақидаги маълумот август ойининг ўрталаридa тарқалган. Ташкилотчиларнинг маълум қилишича, у вақтда тахминан 100 мингта чипта сотилган.
Кейин Санкт-Петербургдаги «Газпром Арена» стадиони маъмурияти рэпернинг концертларини қабул қилмаслигини маълум қилди. Бунга ижара шартномаси имзоланмаганини сабаб қилиб кўрсатди. Бироқ тадбир ташкилотчиси ушбу баёнотга эътироз билдирди.
Энди Say Agency икки концерт ҳам бекор қилинганини расман тасдиқлади. Бироқ промоутер концертлар нима сабабдан бекор қилинганини аниқ маълум қилмади. Компания мухлисларга «лойиҳанинг мақоми ва келгуси режалар» ҳақида қўшимча маълумот беришини билдирди.
Ташкилотчилар чипталар учун тўланган пулни 12 октябрдан бошлаб қайтаришга ваъда берди.
Эслатиб ўтамиз, Канье Уэстнинг концерти Алматида 5 миллиард тенге даромад келтирган. Алмати шаҳар туризм бошқармаси маълумотларига кўра, катта кўламдаги концерт муносабати билан стадионга 31 минг томошабин тўпланган. Унга 50 дан ортиқ мамлакатдан тахминан 7 700 нафар сайёҳ келган. Уларнинг қарийб 2 минг нафари концерт учун махсус келган хорижлик мухлислар бўлган.