Калифорниянинг Монтерей округидаги «Vistra Corp» компаниясининг «Moss Landing» электр станциясида ёнғин содир бўлди, натижада Мосс-Лэндинг ва Элкхорн-Слау ҳудудларида аҳоли эвакуация қилинди.
Associated Press News хабар беришича, объектда қайта тикланадиган энергия манбаларидан олинган электр энергиясини сақлайдиган ўн минглаб литий батареялар мавжуд бўлиб, уларнинг ёқилиши ёнғин ўчириш ишларини оғирлаштиради.
«Vistra Corp» компанияси ёнғин аниқлангач, заводдаги барча ишчилар хавфсиз эвакуация қилинганини маълум қилди. Ёнғин ўчирилгандан сўнг ёнғин сабабларини аниқлаш бўйича тергов ишлари бошланади.
Шимолий Монтерей округи жума куни барча мактаблар ва идоралар ёпилишини эълон қилди. Маҳаллий ҳокимият органлари ва фавқулодда вазиятлар хизматлари аҳоли хавфсизлигини таъминлаш бўйича фаол чоралар кўрмоқда.