Истанбул яқинида кучли зилзила юз берди

ASTANA. Kazinform - Туркиянинг табиий офатлар ва фавқулодда вазиятларни бошқариш агентлиги (AFAD) маълумотларига кўра, Силиври қирғоқлари яқинида 6,2 магнитудали зилзила қайд этилган, дея хабар беради Kazinform турк ОАВларига таяниб.

Силиври - Туркиянинг Европадаги Мармара денгизи соҳилида жойлашган Истанбул вилоятининг шаҳар ва тумани.

Зилзила 6,92 километр чуқурликда содир бўлгани аниқланди.

Кучли зилзила қўшни вилоятлар, хусусан Бурса, Ялова ва Текирдағда ҳам сезилди.

Кучли силкинишлар шаҳар аҳолисининг кўчага чиқиб кетишига сабаб бўлди.