Исроил Ирландия ва Норвегиядаги элчиларини маслаҳат учун чақириб олди

ASTANA. Kazinform – Бугун Исроил ташқи ишлар вазири Исраэль Кац Норвегия ва Ирландия Фаластин мустақиллигини тан олгани муносабати билан “Х” ижтимоий тармоғида баёнот берди.

“Мен Исроилнинг Ирландия ва Норвегиядаги элчиларини зудлик билан ушбу давлатларнинг Фаластин давлатини тан олиш ҳақидаги қарорлари юзасидан маслаҳатлашиш учун чақиришни буюрдим”, – деб ёзади Исраэль Кац.

Унинг сўзларига кўра, Исроил ўз суверенитетига путур етказаётганлар олдида жим турмайди.

“Мен Ирландия ва Норвегияга аниқ сигнал юбораман: Исроил ўз суверенитетига ва хавфсизлигига путур етказаётганлар олдида жим турмайди. Исроил жим турмайди - яна жиддий оқибатлар бўлади. Агар Испания Фаластин давлатини тан олиш ниятини амалга оширса, унга қарши ҳам худди шундай қадам қўйилади”, – деди Исроил ТИВ раҳбари.

Испания, Ирландия ва Норвегия ҳукуматлари бугун Фаластин давлатчилигини тан олиш ҳақидаги баёнот билан чиқишлари аввалроқ хабар қилинган эди.