Испания терма жамоаси 2024 йилги Европа чемпионига айланди

ASTANA. Kazinform — 14 июлда футбол бўйича 2024 йилги Европа чемпионати финал босқичида Испания ва Англия терма жамоалари тўқнаш келишди.

Учрашувнинг дастлабки дақиқаларидаёқ испаниялик футболчилар фаоллик кўрсатишди.

Қўш қанотдан ҳужум уюштириб, гол уришга яқин келди. Бироқ биринчи бўлимда табло ўзгармади.

Иккинчи бўлим бошида испаниялик футболчилар ҳисобни очишди.

17 ёшли Ламин Ямаль жамоадоши Нико Уильямсга пас қилди. Иккинчиси эса дарвозани аниқ нишонга олди ва жамоасини олдинга олиб чиқди.

Ламин Ямаль қитъа миқёсидаги мусобақада ўзини шундай яхши кўрсата олди. 

Англия футболчилари ҳам тарози мувозанатини сақлашга ҳаракат қилишди. 

Ўйиннинг 73-дақиқасида англиялик Коул Палмер ҳисобни тенглаштирган бўлса, 86-дақиқада испаниялик Микель Оярсабаль ғалаба тўпини киритди.

Шу тариқа Испания 2:1 ҳисобида ғалаба қозонди ва ўз тарихида тўртинчи марта Европа чемпиони бўлди.

Эслатиб ўтамиз, улар 1964, 2008, 2012 йилларда қитъа мусобақасида ғолибликни қўлга киритган.

Икки жамоа бунгача 27 марта тўқнаш келган, Испания 10 марта, Англия 13 марта ғалаба қозонган, қолганлари дуранг қайд этган.

Европа чемпионати 1960 йилдан буён ўтказиб келинади.

Энди 2028 йилги Европа чемпионати Буюк Британия ва Ирландияда бўлиб ўтади.