Ҳиндистонлик таниқли гроссмейстер Астанада «тусау кесер» маросимини ўтказди

ASTANA. Kazinform – Таниқли ҳиндистонлик шахматчи, 15-жаҳон чемпиони Виши Ананд ёш қозоғистонлик учун тусау кесер маросимини ўтказди, деб хабар беради Kazinform мухбири.

«Биз маросимни шу ойда ўтказишга тайёргарлик кўрдик, тадбирни режалаштирдик. Пойтахтимизда шундай йирик шахмат тадбири бўлиб ўтмоқда, биз таваккал қилиб, энг буюк шахматчини таклиф қилдик ва рози бўлганидан жуда миннатдормиз, - дейди Абдирахманнинг онаси.

Маросим бошланишидан олдин шахматчи болакайга ўз тилагини билдирди.

«Бировнинг ҳаётининг бошланишида иштирок этиш мен учун катта шараф. Абдрахманга сиҳат-саломатлик ва бахт-саодат тилайман. Болакай, умринг давомида сени бахтли қиладиган касбни танла», – деди Ананд.

Маросим барча миллий тартиб қоидаларга риоя этилган ҳолда ўтказилди.

Миннатдорчилик белгиси сифатида ва анъаналарига кўра боланинг ота-онаси Вишига қозоқ миллий чопонини кийдирди.

Фото: Қозоғистон шахмат федерацияси

Муаллиф: Асхат Райқул