Ҳиндистон ва Хитой CОVID-19га қарши ингаляция вакциналарини тасдиқлайди
Сешанба куни Ҳиндистон регуляторлари Bharat Biotechнинг бурун версиясини ҳали эмланмаган одамлар учун вариант сифатида тасдиқлади.
Ҳиндистон соғлиқни сақлаш вазири Мансух Мандавиа бу ҳаракат пандемияга қарши жамоавий курашни янада кучайтиришини twitterда ёзди.
Ҳинд бурун вакцинаси Сент-Луисдаги Вашингтон университети олимлари томонидан ишлаб чиқилган ва кейинчалик ҳинд вакцина ишлаб чиқарувчиси Bharat Biotech томонидан лицензияланган. Компания иккита синов ўтказди, илгари эмланмаган 3,100 кўнгиллига ва қўшимча вакцина сифатида бошқа CОVID-19га қарши вакциналарни икки марта олган 875 кўнгиллига вакцинанинг икки дозасини берди.
CanSino Biologics якшанба куни Хитой регуляторлари коронавирусга қарши вакцинасининг ингаляция версиясини кучайтирувчи доза сифатида фойдаланиш учун маъқуллаганини эълон қилди. Компания дастлабки тадқиқот натижаларига ишора қилиб, ингаляция версияси бир марта ишлатилгандан кейин иммунитет ҳимоясини кучайтиради.
Ҳозирги вақтда игнасиз вариантлар инфекциядан ҳимояланишни яхшилаш стратегияси сифатида ўрганилмоқда, бунда вирус билан организмга кирган жойда курашиш учун мўлжалланган бурун вакциналари алоҳида қизиқиш уйғотади.
Фото: cbsnews.cоm
Муаллиф: Рустем Қожибаев