Имтиёзли лизинг учун 200 млрд тенге: шу ойдан маблағ ажратиш бошланади

ASTANА. Кazinform – Жорий йилда Қозоғистонда қишлоқ хўжалиги тадбиркорлари учун имтиёзли лизингга 200 миллиард тенге йўналтирилади. Маблағларни шу ойдан бошлаб ажратиш бошланади. Бу ҳақда ҚР Қишлоқ хўжалиги вазирлиги раҳбари Айдарбек Сапаров Ҳукумат йиғилишида маълум қилди.

— Экиш кампаниясини муддатидан олдин молиялаштириш эвазига бугунги кунга қадар 205 миллиард тенге олиш учун 1,3 мингдан ортиқ ариза келиб тушди. Бундан ташқари, жорий йилда имтиёзли лизинг учун 200 млрд тенге ажратилади. Молиялаш шу ойдан бошланади, — деди вазир.

Бундан ташқари, вазирлик раҳбари 2024 йил ноябрь ойидан биринчи марта экиш ишларини муддатидан олдин молиялаштириш йўлга қўйилиб, кредит каналлари кенгайтирилганини таъкидлади.

— Шундай қилиб, ижтимоий тадбиркорлик корпорациялари орқали кредит олиш имконияти пайдо бўлди. Шу муносабат билан йиғим-терим кампаниясини ўз вақтида ва муваффақиятли ўтказиш учун ижтимоий-тадбиркорлик жамиятларининг кредитлашдаги иштирокини фаоллаштириш муҳим аҳамият касб этади, – дейди Айдарбек Сапаров.

Эслатиб ўтамиз, аввалроқ мамлакатда буғдой экиш камайиши ва юқори рентабелли экин майдонлари кўпайиши ҳақида хабар берган эдик.