Хориждаги қозоқ ашёлари каталоги тузилади

ASTANA. Kazinform - Миллий музей директори Берик Абдиғалиўғли Jibek Joly телеканалига берган интервьюсида хориждаги қозоқ ашёларини инвентаризация қилиш бошланганини маълум қилди.

Музей директорининг айтишича, айни пайтда Миллий музейда 200 мингдан ортиқ экспонатлар мавжуд. Ҳар йили уларни кўриш учун 600 минг киши келади. Эндиликда ушбу фондни бойитиш учун хориждаги қозоқ ашёларини инвентаризация қилиш режалаштирилган.

«Яқин 5 йил ичида хориждаги қозоқ ашёлари инвентарини тузиб, каталогларини нашр этишни режалаштирганмиз. Биз буни қила оламиз, бизда мутахассислар бор. Агар ҳомийданми, давлатданми, маблағ бўлса, ташкил қилиш мумкин. Ҳамма ашёларни хориждан олиб келмасак ҳам, ҳар бир фуқаро каталогга қараб, қайси осори-атиқалар қайси давлатда эканлигини билиши керак. Аслини олиб келиш керакми ёки нусхаси бошқа масала. Бироқ биз буни қилишимиз керак. Ҳозир бу ишни бошладик», – деди Берик Абдиғалиўғли «Уәде» дастурида.