Хоккей бўйича жаҳон чемпионатида Қозоғистон аёллар терма жамоаси иккинчи ўйинини ўтказади

ASTANA. Kazinform - Бугун хоккей бўйича Қозоғистон аёллар терма жамоаси жаҳон чемпионатининг IIA дивизионидаги иккинчи ўйинини Италияга қарши ўтказади.

Учрашув Қозоғистон вақти билан соат 17:00да бошланади. Терма жамоа Жанубий Корея, Италия, Буюк Британия, Латвия ва Словения билан IA дивизиони йўлланмаси учун кураш олиб боради. Ўйинлар 9-15 апрель кунлари Буюк Британиянинг Дамфрис шаҳрида бўлиб ўтади.

Қозоғистон ва Италия терма жамоалари шу пайтгача олти марта тўқнаш келган. Уларнинг бештасида италиялик хоккейчилар ғалаба қозонган. Қозоғистонлик хоккейчилар навбатдаги ўйинни 12 апрелда Буюк Британия, 13 апрелда Латвия, 15 апрелда Словенияга қарши ўтказади.

Қозоғистонлик хоккейчилар жаҳон чемпионатига тайёргарлик доирасида ўтказилган ўртоқлик учрашувида Буюк Британияга 1:3 ҳисобида имкониятни бой беришди.

Эслатиб ўтамиз, миллий терма жамоа 2005, 2007, 2009 ва 2024 йилларда жаҳон чемпионати IA дивизионида иштирок этган.

Аввалроқ терма жамоа Жанубий Кореяни 4:2 ҳисобида мағлуб этганди.