Хитойнинг Чжухай шаҳрида халқаро авиашоу очилди
Пайшанба куни қирғоқ бўйидаги Чжухай шаҳрида (Гуандун провинцияси, Хитой) биринчи AERO Asia авиасалони очилди. Кўргазма 23-26 ноябрда Халқаро авиация марказида бўлиб ўтмоқда, деб хабар беради Kazinform мухбири.
Австралия, Германия, Франция, АҚШ, Сингапур ва Буюк Британия каби 20 га яқин мамлакат ва минтақалардан 250 дан ортиқ авиация саноати корхоналари иштирок этмоқда. Кўргазмада 90 дан ортиқ самолётлар намойиш этилмоқда. Кўргазманинг умумий майдони 40 минг кв.м.
Ташкилотчиларнинг сўзларига кўра, кўргазмада авиация, фуқаро авиацияси ва учувчисиз учиш аппаратларидан фойдаланган ҳолда авария-қутқарув ишларини олиб бориш соҳасидаги энг янги маҳсулотлар, технологиялар ва хизматларнинг тўлиқ тўплами тақдим этилган.
Шунингдек, бизнес-жетлар, вертолётлар, дронлар, учувчисиз учиш аппаратлари, авионика, учувчилар учун асбоб-ускуналар ва авиация ўқув жиҳозлари тақдим этилади.
Кўргазма доирасида учувчилар ва аэропорт диспетчерлари учун семинарлар ҳам ўтказилади.
Салоннинг парвозларни намойиш қилиш дастурида Европа ва Хитой акробатика жамоалари иштирок этади.
Ташкилотчилар таъкидлаганидек, AERO ASIA авиасалонининг аниқ стратегик мақсади бор: Хитой ва Осиёдаги бизнес ва фуқаро авиациясининг етакчи кўргазмасига айланиш.
Шу мақсадда иккита йирик ҳаво кўргазмаси ташкилотчилари - AERO ва Airshow China бирлашдилар.
AERO Friedrichshafen (Германия) 40 йилдан ортиқ тажрибага эга бўлган фуқаро авиацияси бўйича дунёдаги етакчи савдо ярмаркаси ҳисобланади.
Хитойнинг энг йирик аэрокосмик салони Airshow China 1996 йилдан буён Чжухайда ҳар икки йилда бир марта ўтказиб келинмоқда.
Муаллиф: Руслан Сулейменов