Хитойлик мухлис: Болаларим билан Қозоғистонни қўллаб-қувватлаш учун келдим
HARBIN. Kazinform – Бугун Хоккей бўйича Қозоғистон аёллар терма жамоаси Хитойнинг Харбин шаҳрида ўтказилаётган IХ қишки Осиё ўйинларининг “А” гуруҳидаги сўнгги учрашувини ўтказди. Kazinform мухбири ўйин давомида Қозоғистон терма жамоасини қўллаб-қувватлаш учун махсус келган хитойлик мухлислар билан суҳбатлашди.
Хитойлик томошабин Фан хонимнинг айтишича, у бугун қозоғистонлик қизларни қўллаб-қувватлаш учун келган.
“Қишки Осиё ўйинларининг барча ўйинларини томоша қилмоқдамиз. Бугун болаларим билан Қозоғистон терма жамоасига мухлис сифатида келдим. Менга Қозоғистон жамоасининг ўйинлари, айниқса 15-рақамли спортчи ёқди, унда куч бор ва ҳимояни яхши ташкил этар экан”, – деди у.
Унга кўра, Қозоғистон терма жамоаси яна бир бор кучли эканини исботлади.
“Тўғрисини айтсам, Қозоғистон хоккейда кучли эканлигини кўрсатди. Кетма-кет ғалабалар билан табриклайман”, – деди Фан хоним.
Шу билан бирга, хитойлик мухлис дўстлик доимо биринчи ўринда туриши кераклигини таъкидлади.
“Умид қиламанки, Хитой ва Қозоғистон ўртасидаги дўстлик ушбу қишки Осиё ўйинлари орқали янада чуқурлашади. Назаримда, дўстлик биринчи ўринда, рақобат иккинчи ўринда”, – деди у.