Хитой «Тяньчжоу-7» космик юк кемасини учирди
12:14, 18 Январь 2024
Хитойнинг бошқариладиган космик парвозлар дастури идораси (CMSE) чоршанба куни «Тяньчжоу-7» юк кемасини миллий космик орбитал «Тяньгун» (Самовий сарой) станциясига олиб чиқди, деб хабар беради Kazinform агентлиги.
Учириш Пекин вақти билан 22:27 да Хитой жанубидаги Хайнань провинциясидаги Вэньчан космодромидан «Чанчжэн-7Y8» ракетаси ёрдамида амалга оширилди.
Космик юк кемаси станцияга ёқилғи ва тажриба жиҳозларини етказиб беради.
Хитойнинг биринчи орбитал станцияси «Тяньгун» Т шаклида бўлиб, тахминан 400 км баландликда жойлашган. У уч кишига мўлжалланган (экипажнинг айланиши билан олтитагача). Орбитал станцияни йиғиш 2022 йилда якунланди.