Хитой – Қирғизистон – Ўзбекистон темир йўли Трансафғон коридорига уланади – Шавкат Мирзиёев

ASTANA. Kazinform – Бу ҳақда Ўзбекистон Президенти Шавкат Мирзиёев Иқтисодий ҳамкорлик ташкилотининг (ИҲТ) 17-саммитида маълум қилди, деб хабар беради Trend.az.

«Сўнгги геосиёсий воқеалар ва глобал логистика тизимларидаги узилишлар шароитида альтернатив логистика занжирларини яратиш устувор йўналишлардан бири бўлиб қолмоқда. Шу нуқтаи назардан Хитой–Қирғизистон–Ўзбекистон темир йўлини амалга оширишнинг бошланиши муҳим қадам ҳисобланади. Келгусида ушбу магистраль Транс-афғон коридорига уланиб, минтақадаги транзит йўналишларини самарали интеграция қилиш учун янги имкониятларни очади», – деди Президент.

Эслатиб ўтамиз, бунгача Хитой-Қирғизистон-Ўзбекистон темир йўли қурилиши бошлангани ҳақида ёздик.