Ҳиндистонда самолёт ҳалокатга учради: 20 нафар тиббиёт талабалари жароҳат олди

NEW DELHI. Kazinform – Ҳиндистон ғарбида Air India самолёти ҳалокатга учраганида ётоқхонада бўлган 20 нафар тиббиёт талабалари жароҳат олди. Бу ҳақда NDTV телеканали маълум қилди, деб ёзади ТАСС.

NDTV телеканалига кўра, қутқарув ишлари ҳамон давом этмоқда.

Аввалроқ Ҳиндистон полицияси Air India самолёти шифокорлар ётоқхонаси биносига қулагани ҳақида хабар берган эди.

Эслатиб ўтамиз, Air India Boeing 787 Dreamliner лайнери Аҳмадобод шаҳридаги Сардор Валлабхбхая Патела халқаро аэропортидан кўтарилганидан кўп ўтмай ҳалокатга учраган эди.

Аҳмадободдан соат 13:38 да ҳавога кўтарилган Boeing 787-8 самолётида 242 йўловчи ва экипаж аъзолари бўлган. Улардан 169 нафари Ҳиндистон, 53 нафари Буюк Британия, бир нафари Канада ва етти нафари Португалия фуқаролари эканлиги маълум қилинган.

Қозоғистон Президенти Ҳиндистон Бош вазирига ҳамдардлик телеграммаси йўллади.