Ҳиндистон ва Покистон ҳудудидаги Қозоғистон фуқаролари бошқа жойга кўчириладими – вазирлик жавоби

ASTANA. Kazinform – Қозоғистон Республикаси Ташқи ишлар вазирининг биринчи ўринбосари Ақан Рахметуллин Қозоғистон фуқароларининг Ҳиндистон ва Покистон ҳудудидаги хавфсиз жойга кўчирилиши юзасидан тушунтириш берди.

Унинг сўзларига кўра, Ҳиндистон ва Покистон ўртасидаги можаро тез орада ечимини топиши мумкин.

“Умид қиламизки, бу можаро фақат тинч ва дипломатик йўл билан тугайди... Ўйлаймизки, бу ҳалокатли урушга олиб келмайди”, — деди А.Рахметуллин.

Шу билан бирга, у ушбу икки давлат ҳудудида бўлган Қозоғистон фуқаролари ҳақида ўз фикрини билдирди.

“Бу давлатлардаги элчихоналар фуқароларимиз билан доимий алоқада... Энди уларни оммавий кўчиришга ҳожат йўқ. Агар керак бўлса, биз олдиндан хабардор қиламиз. Исломобод (Покистон) ва Нью-Деҳли (Ҳиндистон)даги элчихоналар бу ҳолатни кечаю кундуз ўрганмоқда, яъни у ердаги вазият ҳақида бизга хабар бермоқда. Фуқароларимизни эвакуация қилишга асос йўқ”, – деди Қозоғистон Республикаси Ташқи ишлар вазирининг биринчи ўринбосари.

Эслатиб ўтамиз, Покистон Ҳиндистон зарбалари тинч қишлоқ ва масжидларга берилгани ва 26 кишининг ҳаётига зомин бўлганини эълон қилган эди. Ҳалок бўлганлар орасида болалар ҳам бор. Ҳозирда ҳалок бўлганлар сони 31 кишига етган, 57 киши яраланган.