Германиянинг Siemens Energy компанияси Қозоғистон электр тармоқларини модернизация қилишда иштирок этмоқчи

Қасим-Жомарт Тоқаев Siemens Energy компанияси бошқаруви раиси Кристиан Брух билан учрашди, дея хабар беради Каzinform Ақорда матбуот хизматига таяниб.

Учрашувда энергетика соҳасида ҳамкорликни янада мустаҳкамлаш истиқболлари муҳокама қилинди.

Давлат раҳбари мазкур тармоқни иқтисодиётнинг пойдевори сифатида баҳолаб, Қозоғистон энергетика хавфсизлиги ва мустақиллиги билан боғлиқ масалалар билан фаол шуғулланаётганини таъкидлади.

Шу билан бирга, учрашув чоғида Қозоғистон Энергетика вазирлиги ва Siemens Energy компанияси ўртасида имзоланган энергетика соҳасида ўзаро англашув меморандумининг муҳимлиги қайд этилди. Ушбу ҳужжат компаниянинг мамлакатда энергетика ва карбонсизланиш соҳаларида йирик энергетика лойиҳаларини амалга оширишда иштирок этиш имкониятини назарда тутади.

Қасим-Жомарт Тоқаев Қозоғистонда газ турбинали электр станцияларини қуриш ҳамкорликнинг муҳим йўналиши эканлигига эътибор қаратди.