Ғазо секторида озиқ-овқат нархи 527 фоизга ошди

ASTANА. Кazinform – Ғазо Савдо-саноат палатаси Исроил блокадаси туфайли иқтисодий сектор инқирозга учрагани, озиқ-овқат нархи эса 527 фоизга ошгани ҳақида хабар берди, деб ёзади Аnadolu.

Исроил товарларнинг кириб келишига тўсқинлик қилмоқда, бу эса ўз навбатида савдони чеклаб қўйди ва нархларнинг кескин ошишига ёрдам берди. Палата Исроилни очликдан қурол сифатида фойдаланганликда ва халқаро ҳуқуқни бузганликда айблади.

2023 йил 7 октябрдаги ҳужум ортидан Ғазода 52 242 киши ҳалок бўлди. Ўт очишни тўхтатиш келишуви тугаганидан кейин 18 март куни Исроил яна ҳужумларни бошлади. Бу вақт ичида 2025 фаластинлик ҳалок бўлди. Уларнинг аксарияти аёллар ва кексалар бўлиб, 5000 дан ортиқ киши жароҳат олган. У ерда ҳар куни ўртача 90 киши ҳалок бўлади.

Қатар Бош вазири Муҳаммад бин Абдулраҳмон Ал Тани очликдан қурол сифатида фойдаланишга уринишни қоралаб, Ғазога гуманитар ёрдам етказиши учун Исроилга босим ўтказишга чақирди.

Унинг қайд этишича, Қатар Миср билан урушни тугатиш ва гаровга олинганларни озод қилиш учун ҳамкорлик қилмоқда.

Ал Тани, шунингдек, Қатар Сурияни қайта тиклашни қўллаб-қувватлашини ва мамлакат мустақиллигига таҳдид солувчи ҳаракатларга қарши эканини айтиб, Сурияга қарши санкцияларни бекор қилишга чақирди.

ХАМАС ва Исроил ўртасидаги музокаралар Қатар ва Миср воситачилигида давом этмоқда. Ал Тани Қатарнинг АҚШдаги талабалар намойишларида иштирок этгани ҳақидаги айбловларни рад этди. Унинг айтишича, мамлакат имкон қадар очиқ ҳаракат қилади.

Эслатиб ўтамиз, Ғазо секторида 51 355 киши ҳалок бўлди.