Гандбол бўйича Осиё чемпионати: Қозоғистон аёллар терма жамоаси Жанубий Корея билан учрашади

ASTANA. Kazinform — Бугун, 4 декабрь куни Қозоғистон аёллар терма жамоаси Ҳиндистон пойтахти Нью-Деҳли шаҳрида ўтказилаётган гандбол бўйича Осиё чемпионатининг 2-тури доирасида Жанубий Кореяга қарши баҳс олиб боради.

Қозоғистонлик гандболчилар А гуруҳида тўп суради. Рақиблар - Хитой, Сингапур ва Жанубий Корея.

1-турда терма жамоа Хитойни 28:26 ҳисобида мағлуб этганди.

Улар 6 декабрда Сингапур билан ҳам ўйнайди.

B гуруҳида эса Япония, Ҳиндистон, Гонконг ва Эрон терма жамоалари куч синашяпти.

Ҳар бир гуруҳдан энг яхши икки ўринни эгаллаган жамоа плей-офф босқичига йўлланма олади.

Гандбол бўйича Қозоғистон аёллар терма жамоаси 2002, 2010 йилларда Осиё чемпиони, 2021 йилда эса бронза медали соҳиби бўлди.